Եվրոպական հեռարձակողների միությունը (EBU), որը Եվրատեսիլ երգի մրցույթի գլխավոր կազմակերպիչն է, հայտարարել է վեց երկրների, այդ թվում՝ Ադրբեջանի ժյուրիի անդամներին հեռացնելու մասին։
Եվրոպական հեռարձակողների միության պաշտոնական հայտարարության մեջ ասվում է, որ մրցույթի երկրորդ կիսաեզրափակիչից դուրս են մնացել Ադրբեջանի, Վրաստանի, Չեռնոգորիայի, Լեհաստանի, Ռումինիայի և Սան Մարինոյի ժյուրիի անդամները։ Այս երկրները մեղադրվում են մանիպուլյացիայի , կեղծիքի և միության կանոնները խախտելու մեջ։
«Եվրատեսիլ 2022 երգի մրցույթի երկրորդ կիսաեզրափակիչի փորձից հետո Եվրոպական հեռարձակողների միության (EBU) համաեվրոպական քվեարկության գործընկերոջ կողմից ժյուրիի քվեարկությունը վերլուծելիս վեց երկրների արդյունքներում քվեարկության մեջ կեղծիք են հայտնաբերել։
Եվրոպական հեռարձակողների միությունը շատ լուրջ է վերաբերվում «Եվրատեսիլ» երգի մրցույթում քվեարկությանը մանիպուլյացիայի ենթարկելու ցանկացած ենթադրյալ փորձին և իրավունք ունի հետ կանչել այդ ձայները՝ քվեարկության պաշտոնական հրահանգներին համապատասխան՝ անկախ այն հանգամանքից, թե արդյոք այդպիսի քվեարկությունները կարող են ազդել արդյունքների վրա», — ասվում է հայտարարության մեջ:
