Ռոման Աբրամովիչը թռել է Ռուսաստան և Պուտինին հանձնել Զելենսկու նամակը.

Ռոման Աբրամովիչը թռել է Ռուսաստան՝ «Զելենսկու` Ուկրաինայում խաղաղության պայմանների մասին ձեռագիր գրությունը Պուտինին տալու համար», սակայն վերջինս պատասխանել է՝ «Ասա նրան, որ ես իրենց կջարդեմ»։Բրիտանական տաբլոիդը հայտնում է, որ Աբրամովիչը «թռել է Ստամբուլ, Մոսկվա և Կիև»՝ հանդես գալով որպես Զելենսկու և Պուտինի միջև միջնորդ։

Աբրամովիչը Ստամբուլում հանդիպել է ժողովրդական պատգամավոր և ուկրաինական բանակցային խմբի անդամ Ռուստամ Ումերովի և Էրդողանի մամուլի քարտուղար Իբրահիմ Կալինի հետ։ Ինչպես նշում է Daily Mail-ը, «կարծես թե նրանք առաջընթաց են գրանցել ապագա դեմ առ դեմ բանակցություններում, որոնք պետք է շարունակվեն այս շաբաթ»:

Կալինը առաջ է քաշել այն միտքը, որ Ղրիմը և Դոնբասը պետք է գտնվեն Ռուսաստանի Դաշնության կողմից երկարաժամկետ վարձակալության տակ, ինչպես եղավ Մեծ Բրիտանիայի և Հոնկոնգի դեպքում 1898-1997 թվականներին։ Հրատարակությունը գրում է, որ Պուտինն իբր դիտարկում է նման տարբերակը։Դրանից հետո, ըստ Daily Mail-ի, Աբրամովիչն ու Ումերովը Լեհաստանով տարանցիկ ճանապարհով ժամանել են Կիև, որտեղ հանդիպել են Զելենսկու հետ։

Рейтинг
( Пока оценок нет )
Понравилась статья? Поделиться с друзьями:
The Yerevan Times-Երևան Թայմս