Հանցագործության մասին հաղորդումների ծանրակշիռ մասը վերաբերել է «Հայաստան» դաշինքին: Վիճակագրությունը ներկայացրել է «Իրազեկ քաղաքացիների միավորման» համակարգողը: Դանիել Իոաննիսյանի խոսքով՝ «Անկախ դիտորդ» առաքելության 700 դիտորդ մոտ 200 ընտրական տեղամասում հետևել է ընտրության ընթացքին:
Դանիել Իոաննիսյան («Իրազեկ քաղաքացիների միավորում» ՀԿ ծրագրերի համակարգող) — Լուրջ ընտրախախտումները 52-ն էին, դրանցից 9-ի մասով ներկայացվել է հանց ագործության մասին հաղորդում, 1-ի մասով՝ վարչական բողոք, ևս 21 հան ցագործության մասին հաղորդում ներկայացվել է նախընտրական քարոզարշավի փուլում:
Ըստ դիտարկումների՝ 4 ընտրատեղամասի ցուցակներում եղել են անհամապատասխանություններ՝ նշում է Հելսինկյան քաղաքացիական ասամբլեայի Վանաձորի գրասենյակի ղեկավարը: Արթուր Սաքունցի խոսքով՝ դիտորդական առաքելությունը վերահաշվարկի պահանջով պատրաստվում է դիմել տարածքային ընտրական հանձնաժողով:
Արթուր Սաքունց (Հելսինկյան քաղաքացիական ասամբլեայի Վանաձորի գրասենյակի ղեկավար) — Քվեարկությունը գերազանցապես անցավ հանգիստ մթնոլորտում, քաղաքակիրթ մթնոլորտում: Դա վկայությունն է Հայաստանի Հանրապետության քաղաքացիների քաղաքակիրթ և ժողովրդավարական արժեքները կարևորելու:
Համակարգային այն խնդիրները, որոնք հեղափոխությունից հետո չլուծվեցին, ցայտուն կերպով երևացին այս ընտրությունների ժամանակ՝ դատական համակարգից մինչև ոստիկանություն՝ բացթողումներն է ներկայացնում Արթուր Սաքունցը:
Արթուր Սաքունց — Մենք խնդիր ունենք ընտրական վարչարարության առումով, ընտրական հանձնաժողովների անդամները պետք է պատշաճ պատրաստված լինեն, առանձին միջադեպերը պայմանավորված են այն հանգամանքով, որ հանձնաժողովը չի տիրապետում իրավիճակին:
Քվեարկության ավարտից անմիջապես հետո դիտորդություն է իրականացվել 38 տարածքային ընտրական հանձնաժողովում:
«Անկախ դիտորդ» առաքելությունը ընտրատեղամասերում հետևել է նաև 1500 տեսախցիկի աշխատանքին: Իոաննիսյանի խոսքով՝ բարձրացել է նաև քաղաքացիների իրավագիտակցությունը, շատերն անձամբ են ահազանգել, խնդրել արձանագրել խախտումներ:
Սա մեծ ձեռքբերում է»,- շեշտում է Իոաննիսյանը:
Դիտորդական առաքելության ներկայացուցիչները վստահեցրին՝ հետևելու են հարուցված գործերի ընթացքին, որ մե ղավորները պատժվեն, հետագայում էլ նման դե պքերը բացառվեն:
Հաղորդում է«1Լուրեր»-ը
