Ադրբեջանի իշխանությունը շարունակում է Արցախից հայերին վտարելու քաղաքականությունը. Արտակ Բեգլարյան

Ադրբեջանի ռազմաքաղաքական ղեկավարության վերաբերմունքը հայերի նկատմամբ տասնամյակներ շարունակ դրսևորվել է ատելության, ֆիզիկական ու հոգեբանական բռնության, դիտավորյալ կյանքից զրկելու հանցավոր վարքագծի մեջ, և ոչ մի հիմք չկա նույնիսկ ենթադրելու, որ տեսանելի ապագայում Ադրբեջանը կարող է փոխել այդ ռազմավարությունը: Տելեգրամի իր ալիքում նման կարծիք է հայտնել Արցախի պետնախարար Արտակ Բեգլարյանը:

Մեկնաբանելով Արցախի Թաղավարդ և Կարմիր Շուկա գյուղերի վերջին գնդակոծությունները՝ նա հայտարարել է, որ քանի դեռ Ադրբեջանի իշխանություններն ու ժողովուրդը պատրաստ չեն իրական և բոլոր կողմերի համար արժանի երկխոսության ու խաղաղության, ԼՂ հակամարտությունը չի կարող կարգավորվել:Նա նաև կարծում է՝ որքան էլ Ադրբեջանի իշխանությունը խաղաղություն և քաղաքավարություն խաղա, միևնույն է, նրանք բացահայտորեն շարունակում են հայատյաց ու ագրեսիվ քաղաքականությունը Արցախից հայերին վտարելու, հայոց պետականությունն ու հայերին նվաստացնելու նպատակով:

«Արցախի ժողովրդի ինքնորոշման իրավունքի ճանաչումն ու պաշտպանությունն այլընտրանք չունեն, քանի որ մենք մեր ճակատագրի տերն ենք մեր հայրենիքում, և դա աշխարհում նոր ցեղասպանությունը կանխելու միակ միջոցն է»,-հայտարարել է Արցախի պետնախարարը:

Рейтинг
( Пока оценок нет )
Понравилась статья? Поделиться с друзьями:
The Yerevan Times-Երևան Թայմս