Ռուսաստանի նախագահ Վլադիմիր Պուտինը, շնորհավորելով Լուգանսկի Ժողովրդական Հանրապետության (ԼԺՀ) ղեկավար Լեոնիդ Պասեչնիկին ազգային տոնի առթիվ, վստահություն է հայտնել, որ համատեղ ջանքերով հնարավոր կլինի պաշտպանել ԼԺՀ-ի ինքնիշխանությունն ու տարածքային ամբողջականությունը։
«ԼԺՀ քաղաքացիները ծանր պայմաններում նշում են իրենց պետական տոնը՝ զենքը ձեռքին պաշտպանելով հայրենի հողը։ Վստահ եմ, որ համատեղ ջանքերով մենք կպաշտպանենք հանրապետության անկախությունը, ինքնիշխանությունը և տարածքային ամբողջականությունը, իսկ փետրվարի 21-ին ստորագրված Բարեկամության,
համագործակցության և փոխօգնության պայմանագիրը հուսալի հիմք կծառայի մեր երկրների միջև եղբայրական, դաշնակցային կապերի ամրապնդման համար», — ասել է Պուտինը:ԼԺՀ-ն իր անկախությունը հռչակել է 2014 թվականի մայիսի 12-ին: Այս տարվա փետրվարի 21-ին ՌԴ-ն ճանաչել է նրա ինքնիշխանությունը:
