Ուկրաինայի նախագահ Վլադիմիր Զելենսկին հայտարարել է, որ սկսվում է պատմական շաբաթ, երբ Կիևը կլսի Եվրոպական միության պատասխանը Ուկրաինայի թեկնածուի կարգավիճակի վերաբերյալ։
«Իսկապես պատմական շաբաթ է սկսվելու։ Շաբաթ , որտեղ մենք կլսենք Եվրամիությունից Ուկրաինայի թեկնածության կարգավիճակի մասին։ Արդեն կա Եվրահանձնաժողովի դրական որոշումը, և շաբաթվա վերջին կլինի Եվրոպական խորհրդի պատասխանը»,- ասել է Զելենսկին հրապարակված տեսաուղերձում։
«Կարծում եմ, բոլորի համար ակնհայտ է, որ 1991 թվականից ի վեր Ուկրաինայի համար քիչ են եղել այնպիսի ճակատագրական որոշումները , ինչպիսին մենք հիմա ենք սպասում: Եվ ես վստահ եմ, որ միայն դրական որոշումը կհամապատասխանի ողջ Եվրոպայի շահերին»,- ասել է Ուկրաինայի նախագահը։
Զելենսկին կարծում է, որ Ռուսաստանից այս պատճառով պետք է ակնկալել թշ-նամական ակտիվության աճ։ «Հենց այս շաբաթ. Եվ ոչ միայն Ուկրաինայի, այլեւ եվրոպական այլ երկրների դեմ։ Մենք պատրաստվում ենք։ Մենք պատրաստ ենք: Նաև մենք զգուշացնում ենք գործընկերներին»,- ասել է Զելենսկին։
Հունիսի 17-ին Եվրահանձնաժողովը մեկնաբանել է Ուկրաինային «թեկնածու երկրի» կարգավիճակ շնորհելը։ Հանձնարարականները կներկայացվեն ԵՄ Խորհրդին հունիսի 23-24-ը կայանալիք ԵՄ առաջնորդների գագաթնաժողովում:
