Էդմոն Մարուքյան . «Վերջին անգամ դա տեղի էր ունեցել 10 տարի առաջ … սա չափազանց կարևոր քայլ է»

Հատուկ հանձնարարություններով դեսպան , «Լուսավոր Հայաստան» կուսակցության հիմնադիր-նախագահ Էդմոն Մարուքյանը իր էջում անդրադարձել է երեկ տեղի ունեցած Հայաստանի Հանրապետության վարչապետ Նիկոլ Փաշինյան և Թուրքիայի նախագահ Ռեջեփ Թայիփ Էրդողան հեռախոսազրույցին:

«Վերջին անգամ Հայաստանի և Թուրքիայի ղեկավարների միջև ուղիղ շփում տեղի է ունեցել շուրջ 10 տարի առաջ։ Եվ սա չափազանց կարևոր քայլ է հայ-թուրքական հարաբերությունների կարգավորման գործընթացում։

Պետք է գիտակցել, որ Թուրքիայի հետ շարունակաբար փակ սահմաններ և զրոյական դիվանագիտական հարաբերություններ ունենալը մեզ որևէ տեղ չի տանելու՝ հատկապես հաշվի առնելով նաև վերջին պատերազմի իրողությունները։

Կարևոր է, որ երկխոսությունը շարունակվի և իր հաջող հանգրվանն ունենա՝ սահմանների բացման ու դիվանագիտական հարաբերությունների հաստատման տեսքով։

Հայաստանը շարունակում է պրոակտիվ դիվանագիտությունը։» , — գրել է Մարուքյանը:

Рейтинг
( Пока оценок нет )
Понравилась статья? Поделиться с друзьями:
The Yerevan Times-Երևան Թայմս