Ռուսաստանի Դաշնության արտաքին գործերի նախարար Սերգեյ Լավրովը այսօր Երևանում իր գործընկերոջ ՝ Արարարտ Միրզոյանի հետ բանակցություններից հետո համատեղ ասուլիսի ժամանակ հայտարարեց , որ Ռուսաստանը ողջունում է Հայաստանի և Թուրքիայի միջև հարաբերությունների կարգավորումը:
Ռուսաստանի Դաշնության արտաքին գործերի նախարարը նշել է, որ «սա նույնպես նպաստում է տարածաշրջանում իրավիճակի ընդհանուր բարելավմանը»։
«Մենք ողջունում ենք նաև հայ-թուրքական հարաբերությունների կարգավորման գործընթացը: Սա նույնպես պետք է նպաստի տարածաշրջանում իրավիճակի ընդհանուր բարելավմանը»,- ասաց Ռուսաստանի Դաշնության նախարար Սերգեյ Լավրովը:
Նշենք , որ Ռուսաստանի արտգործնախարարը երեկ է ժամանել Երևան Անկարայից, որտեղ բանակցություններ է վարել իր թուրք պաշտոնակցի հետ:
Բացի հայ գործընկերոջ հետ հանդիպումից, նախատեսված են Սերգեյ Լավրովի հանդիպումները նաև վարչապետ Նիկոլ Փաշինյանի և նախագահ Վահագն Խաչատրյանի հետ։
