Իտալիայի Ֆրիուլի Վենեցիա Ջուլիայի նահանգային խորհուրդը միաձայն կողմ է քվեարկել Հայոց ցեղաս պանությունը ճանաչող բանաձևին։ Այս մասին տեղեկացնում է Իտալիայում Հայաստանի դեսպանությունը։
«Շնորհակալություն ենք հայտնում Ֆրիուլի Վենեցիա Ջուլիա նահանգային խորհրդին և խորհրդի անդամ Ալբերտո Բուդային»,- ասված է հաղորդագրության մեջ:
Հիշեցնենք , որ այսօր Բարսելոնայի քաղաքային խորհուրդը ճանաչել էր Հայոց ցեղասպանությունը։ Այս մասին հայտնել էր Իսպանիայում Հայաստանի դեսպանությունը.
Օսմանյան կառավարության կողմից իրականացրած Հայոց ցեղասպանության փաստը հիմնավորվել, ճանաչվել ու հաստատվել է ականատեսների վկայություններով, օրենքներով, բանաձևերով և բազմաթիվ նահանգների ու միջազգային հեղինակավոր կազմակերպությունների որոշումներով:
