19-ամյա գյումրեցի Գառնիկ Չոլակյանը շրջանցելով երկու թուրք մարզիկների , հռչակվեց Եվրոպայի չեմպիոն

19-ամյա գյումրեցի ծանրորդ Գառնիկ Չոլակյանը հռչակվել է ծանրամարտի մինչև 20 տարեկանների Եվրոպայի չեմպիոն:

Ֆինլանդիայի Ռովանիեմի քաղաքում ընթացող ծանրամարտի մինչև 20 և մինչև 23 տարեկանների Եվրոպայի առաջնությունում Գառնիկ Չոլակյանը մինչև 20 տարեկանների 55 կգ քաշայինների պայքարում երկամարտի 230 (100+130) արդյունքով նվաճեց ոսկե մեդալ՝ հետ թողնելով երկու թուրք մրցակիցների:

Պոկում վարժությունում Գառնիկ Չոլակյանը նվաճել է փոքր բրոնզե մեդալ, իսկ հրում վարժությունում բացահայտ առավելություն է ունեցել: Նրա առաջին մոտեցումը՝ 125 կգ կշռող ծանրաձողին արդեն չեմպիոնական է եղել, սակայն Գառնիկը դրանով չի բավարարվել և սանձել է նաև 130 կգ-ոց ծանրաձողը: Երրորդ մոտեցումից մեր մարզիկը հրաժարվել է: Երկամարտի արդյունքով նա 6 կգ շրջանցել է երկրորդը ճանաչված մարզիկին:

Рейтинг
( Пока оценок нет )
Понравилась статья? Поделиться с друзьями:
The Yerevan Times