Թուրքական աշխարհի ճարտարապետների և քաղաքաշինական միությունը առաջարկել է Շուշի քաղաքը հռչակել որպես ամբողջ թյուրքական աշխարհի մշակութային մայրաքաղաք: Այս մասին հաղորդում է «Անադոլուն»:
Նախաձեռնության մասին հնչեցրել է ճարտարապետների և քաղաքաշինական միության ղեկավար, Թուրքիայի շրջակա միջավայրի և քաղաքաշինության փոխնախարար Մոջահիթ Դեմիրթաշը:
«Այս քայլը կամրապնդի Շուշիի հեղինակությունը միջազգային ասպարեզում, ինչպես նաև կնպաստի Ղարաբաղում հաղթանակի ամրապնդմանը», — ասել է փոխնախարարը:
Դեմիրթաշը շեշտել է , որ ճարտարապետների և քաղաքաշինական միությունը պատրաստ է իր ներդրումն ունենալ Ադրբեջանի կողմից Արցախի գրավյալ շրջանների վերականգնման գործընթացում:
Նրա խոսքով, 2022 թվականին նախատեսվում է կազմակերպել գիտական միջազգային մրցույթ `թյուրքական աշխարհի հին քաղաքների վերակառուցման համար և պատրաստել նախաձեռնությունների 100-ամյա ծրագիր` ուղղված Ադրբեջանի վերհսկողության տակ հայտնված Ղարաբաղի շրջանի զարգացմանը:
