Իսլանդիայի հավաքականին հաղթեց ողջ հայ ժողովուրդը. Յուրչենկո
Հայաստանի ազգային ընտրանու դարպասապահ Դավիթ Յուրչենկոն երեկ հիանալի հանդիպում անցկացրեց՝ մի քանի անգամ փրկելով մեր թիմին դարպասի գրավումից: Խաղից հետո մեր թիմի առաջին համարը կիսվել է իր տպավորություններով:
«Շատերն էին ցավում մեզ համար տրիբունաներում և կամ իրենց բնակարաններում, այդ թվում՝ մեր ընտանիքներն ու հարազատները: Կարող եմ ասել, որ այսօր Իսլանդիայի հավաքականին հաղթեց ողջ հայ ժողովուրդը»,- նշել է Յուրչենկոն:Հաղորդում է «1լուրեր»-ը:
Հիշեցնենք , որ Հայաստանի ֆուտբոլի ընտրանին Մունդիալ-2022 ընտրական փուլի շրջանակներում Երևանում ընդունելով Իսլանդիային առավելության հասավ 2:0 հաշվով:
Հայաստանի հավաքականը երրորդ տուրի շրջանակներում կրկին Երևանում կխաղա Ռումինիայի հետ: Հանդիպումը կկայանա մարտի 31-ին Վազգեն Սարգսյանի անվան Հանրապետական մարզադաշտում և կմեկնարկի 20:00-ին:
