ՌԴ նախագահի մամուլի խոսնակ Դմիտրի Պեսկովը հայտարարել է, որ Մոսկվան լավ հարաբերություններ ունի ինչպես Ադրբեջանի, այնպես էլ Հայաստանի հետ, փոխանցում է ՏԱՍՍ-ը:
«Մենք հիանալի վստահելի հարաբերություններ ունենք Ադրբեջանի հետ, որը հիմնված է փոխադարձի հարգանքի վրա: Դրանք կարող են ունենալ շատ ասպեկտներ, որոնք փոխշահավետ են: Հայաստանի հետ ևս պատմականորեն լավ հարաբերություններ ունենք: մենք մեծ թվով ինտեգրացիոն նախագծեր ունենք, որոնք Հայաստանի օգուտ են բերում, ինչպես քաղաքական, այնպես էլ տնտեսական առումով»,-ասել է նա:
Պեսկովը հավելել է, որ Արցախում պատ երազմի դադարեցման հարցում Պուտինի անձնական դերակատարումը պետք է հիշեն բոլորը:
Հիշեցնենք 2020 թ.-ի նոյեմբերի 10-ին Հայաստանի Հանրապետության վարչապետ Նիկոլ Փաշինյանի, Ադրբեջանի նախագահ Իլհամ Ալիևի և Ռուսաստանի Դաշնության նախագահ Վլադիմիր Պուտինի ստորագրված եռակողմ համաձայնագրով Արցախում ընթացող պատ երազմը դադարեցվեց:
