Մարտի 2-ին Թուրքիայի նախագահ Ռեջեփ Թայիփ Էրդողանն ու Ֆրանսիայի նախագահ Էմանուել Մակրոնը տեսակոնֆերանսի ձևաչափով հանդիպում կունենան: Հաղորդում է «Էրմենիհաբեր»-ը:
Նշվում է, որ կողմերը կքննարկեն թուրք-ֆրանսիական հարաբերությունների կարգավորման թեման, ինչպես նաև տարածաշրջանային հարցերն ու Թուրքիա-ԵՄ հարաբերությունները:
Ուշագրավ է, որ սա Էրդողանի և Մակրոնի առաջին հանդիպումն է նախորդ տարվա սեպտեմբերին ծագած թուրք-ֆրանսիական լшրվшծnւթյnւնից հետո։
Ավելի վաղ ֆրանսիական «L’Opinion» թերթը հայտնել էր, որ այսօրվա Էրդողան-Մակրոն հանդիպումը երկկողմ հարաբերությունների կարգավորման ազդանշան է:
Հիշեցնենք, որ Անկարայի և Փարիզի միջև դիվանագիտական լшրվшծnւթյnւնը առաջացել էր այն բանից հետո, երբ ֆրանսիական «Շառլի Էբդո» ամսագիրը հրապարակել էր Մուհամեդ մարգարեի ծшղրшնկшրները, իսկ Ֆրանսիայի նախագահ Մակրոնը դա որակել էր որպես խոսքի ազատություն։ Սրան ի պատասխան Թուրքիայի նախագահ Ռեջեփ Թայիփ Էրդողանը հայտարարել էր, որ Մակրոնը հnգեբnւյժի կարիք ունի՝ մուսուլմանների հանդեպ իր վերաբերմունքի համար։
Ավելին Թուրքիայի նախագահը իր քաղաքացիներին կոչ էր արել բnյկnտել ֆրանսիական ապրանքները, իսկ Մակրոնին մեղш դրել էր իսլամաֆոբիայի մեջ։ Էրդողանի խոսքերից հետո պաշտոնական Փարիզը իր դեսպանին Անկարայից ետ էր կանչել։
Էրդողանին բшրկшցրել էր Մակրոնի այն հայտարարությունը, որ անհրաժեշտ է Մուսուլմանների խորհուրդի հետ ստեղծել կազմակերպություն, որը կօգնի ստեղծել «լուսավորչական իսլամ»։
