ԱՄՆ պետքարտուղար Էնթոնի Բլինկենը մտադիր է կոչ անել G20-ի երկրներին ծանր ճնշում գործադրել Ռուսաստանի վրա

ԱՄՆ պետքարտուղար Էնթոնի Բլինկենը մտադիր է կոչ անել G20-ի երկրներին ծանր ճնշում գործադրել Ռուսաստանի վրա՝ աջակցելու ՄԱԿ-ի ջանքերին՝ ապաշրջափակելու Ուկրաինայից ծովային ուղիները և ևս մեկ անգամ զգուշացնել Չինաստանին Մոսկվայի ռազմական գործողություններին աջակցելու անթույլատրելիության մասին։

Զորեքշաբթի Բլինկենը կմեկնի Ասիա, իսկ ուրբաթ օրը Բալիում կանցկացնի 20 երկրների ԱԳ նախարարների հանդիպումը, որի ընթացքում նա կհանդիպի չինացի գործընկեր Վան Յիի հետ։

Վերլուծաբանները ենթադրում են, որ Վաշինգտոնը և նրա դաշնակիցները կմատնանշեն Մոսկվայի դերը աշխարհում սննդի պակաս ստեղծելու գործում:

ԱՄՆ պետքարտուղարի տնտեսական և բիզնեսի հարցերով օգնական Ռամին Տոլուին ասել է, որ G20-ի երկրները պետք է պատասխանատվության ենթարկեն Ռուսաստանին և նաև կոչ անեն նրան աջակցելու ՄԱԿ-ի շարունակական ջանքերին՝ հացահատիկի համար բեռնափոխադրումների ուղիները բացելու ուղղությամբ:

«Մենք աջակցում ենք ՄԱԿ-ի նախաձեռնությանը և ցանկանում ենք, որ G20-ը պատասխանատվության ենթարկի Ռուսաստանի Դաշնությանը և պնդի աջակցել այս նախաձեռնությանը», — ասել է նա։

Հիշեցնենք, որ ուրբաթ օրը ԱՄՆ պետքարտուղար Էնթոնի Բլինկենը կմասնակցի G20-ի արտգործնախարարների հանդիպմանը, որը տեղի կունենա հուլիսի 7-8-ը Բալիում։ Առաջիկա բանակցությունների հիմնական թեմաներից են լինելու էներգետիկայի և պարենային անվ-տանգության խնդիրները։

Рейтинг
( Пока оценок нет )
Понравилась статья? Поделиться с друзьями:
The Yerevan Times-Երևան Թայմս