Հանրաքվեից հետո Ղրիմը դե յուրե դարձավ ռուսական։ Այս մասին այսօր՝ նոյեմբերի 30-ին, հայտարարել է Բելառուսի նախագահ Ալեքսանդր Լուկաշենկոն՝ «Ռոսիա սեգոդնյա» միջազգային լրատվական գործակալության գլխավոր տնօրեն Դմիտրի Կիսելյովին տված հարցազրույցում։
Լուկաշենկոի խոսքով նա մտադիր է այցելել Ղրիմ, և այս առումով պայմանավորվածություն կա ՌԴ նախագահ Վլադիմիր Պուտինի հետ։ Լուկաշենկոն ցանկանում է այդ ճանապարհորդություն սկսել Սեւաստոպոլ այցով։ Ընդ որում, հստակ ժամկետները, թե երբ կարող է տեղի ունենալ նման ճանապարհորդություն, դեռ որոշված չեն։
«Ղրիմը դե ֆակտո ռուսական է։ Հանրաքվեից հետո դե յուրե Ղրիմը դարձավ ռուսական»,- նշել է Բելառուսի ղեկավարը։
Ալեքսանդր Լուկաշենկոն նաև ընդգծել է, որ նա լիակատար իրավունք ունի այցելելու Ղրիմ .
«Սա նաև իմ Ղրիմն է», — ասել է Բելառուսի ղեկավարը և հիշել , որ առաջին անգամ այցելել Ղրիմ, երբ մեկ որդի ուներ։
Բելառուսի ղեկավարի խոսքով՝ իր այցը թերակղզի կնշանակի դրա՝ որպես Ռուսաստանի տարածքի ճանաչում։
«Դա ինձ եւ Պուտինի համար գաղտնիք չէ, ավելին, դա պարզապես գոյություն չունեցող հարց է։ Իմ եւ Պուտինի միջեւ նման հարց չկա»,- նշել է Լուկաշենկոն։
