Խաղաղության պայմանագիրը չի կարող լինել այն պարագայում, երբ մեր տարածքում գտնվում են ադրբեջանական զինված միավորումները: Այս մասին այսօր լրագրողների հետ զրույցում ասաց ԱԺ նախագահ Ալեն Սիմոնյանը:
Նա, մասնավորապես, ասաց. ՛՛Նաեւ կարծում եմ, որ խաղաղության պայմանագիր կնքելիս մենք պետք է ունենանք մի իրավիճակ, որ ռազմագերի չունենք: Այլ պարագայում դա կարող է իմիտացիայի տպավորություն թողնել՛՛:
Անդրադառնալով հայտարարություններին, թե մինչեւ տարեվերջ կկնքվի խաղաղության պայմանագիրը Հայաստանի եւ Ադրբեջանի միջեւ՝ Սիմոնյանն ասաց. ՛՛Դա մեր ցանկությունն է: Երկկողմ հայտարարությունների հիման վրա տրամադրվածություն է ստեղծվել, որ եկեք մինչեւ տարեվերջ այդ պայմանագիրը կնքենք: Որքան հասկանում եմ՝ երկու կողմի համար էլ ցանկալի է դա՛՛:
