Կիևում 21-ամյա ռուս զինվորականը դատապարտվել է ցմահ ազատազրկման՝ պատերազմի օրենքներն ու ավանդույթները խախտելու մեղադրանքով, որն ուղեկցվել է կանխամտածված սպանությամբ։
Վադիմ Շիշիմարինն առաջին ռուս զինվորականն է, ով Ուկրաինայում դատարանի առջեւ է կանգնել մարտական գործողությունների առնչությամբ։ Դատավարության ընթացքում նա ասել է, որ զղջացել է իր արարքի համար։ Երիտասարդ զինվորականի խոսքով՝ ինքը կոչումով ավագի սպառնալիքի տակ կրակել է տղամարդու վրա։ՌԴ նախագահի մամուլի քարտուղար Դմիտրի Պեսկովն այսօր պատասխանել է Շիշիմարինին օգնելու մասին հարցին.
«Դեռևս չկա մանրամասն տեղեկատվություն, բայց, ըստ էության, մեզ համար, ցավոք սրտի, շատ սահմանափակ է օգնություն ցուցաբերելու հնարավորությունը՝ այնտեղ մեր դիվանագիտական ներկայացուցչության բացակայության պատճառով»:
