Ռուսաստանի նախագահ Վլադիմիր Պուտինը Սանկտ Պետերբուրգի միջազգային տնտեսական ֆորումի մասնակիցներին և հյուրերին ուղղված իր ողջույնի խոսքում ընդգծել է, որ ռուսական տնտեսությունը կպահպանի բաց լինելու և միջազգային լայն համագործակցության կուրսը։
Այս մասին հայտնում են Կրեմլի մամուլի ծառայությունից։«Համոզված եմ, որ Ռուսաստանի համար 2020-ականները կդառնան տնտեսական ինքնիշխանության ամրապնդման ժամանակաշրջան,
որը նախատեսում է սեփական ենթակառուցվածքային և տեխնոլոգիական բազայի արագացված զարգացում, մասնագետների պատրաստման մակարդակի որակական բարձրացում, ինչպես նաև անկախ և արդյունավետ ֆինանսական համակարգի ձևավորում»,-ընդգծել է ՌԴ առաջնորդը։
