Ադրբեջանական հիստերիայից հետո Սոլովյովը ներողություն է խնդրել

Վլադիմիր Սոլովյովի կողմից Արցախի արտգործնախարար Դավիթ Բաբայանին եթեր տրամադրելուց հետո ադրբեջանական հատվածում հիստերիա սկսվեց։ Հարկ է նշել, որ նրանք Սոլովյովին ստիպել են տեսախցիկի առաջ ներողություն խնդրել իբր լրագրողական էթիկան խախտելու համար՝ հրավիրելով կողմերից միայն մեկին։Սալավյովն ասել է.«Ես քաղաքական մեծ սխալ թույլ տվեցի, քանի որ խախտեցի ուժերի հավասարակշռությունը մի շատ բարդ համակարգում, որն այժմ տեղի է ունենում Կովկասում», — ասել է նա:Սոլովյովը նշել է, որ պատրաստվում էր եթեր տրամադրել նաև Ադրբեջանի ներկայացուցչին` «հավասարակշռություն պահպանելու և լրագրողական օբյեկտիվության» համար:

«Կրկին ուզում եմ ասել, որ ես լավ եմ հասկանում այն ​​դերը, որ այժմ խաղում են ռուս-ադրբեջանական հարաբերությունները, և հասկանում եմ, թե որքան կարևոր է այդ հարաբերությունների համակարգում տարաձայնություններ չմտցնելը:

Ես ժամանակին պատիվ եմ ունեցել զրուցելու Ադրբեջանի նախագահի հետ, 44-օրյա պատերազմից հետո նման խոսակցություններ չեն եղել։ Եվս մեկ անգամ կրկնում եմ՝ ես պատրաստ եմ ցանկացած մակարդակի եթեր տրամադրել ադրբեջանական կողմին բարձրաձայնելու համար, և, իհարկե, առաջին հերթին գնահատում եմ այս տարածաշրջանում խաղաղությունն ու անդորրը։ Ուստի ներողություն եմ խնդրում այս թեման դաշնային եթերում լուսաբանելիս օբյեկտիվության կանոնները չպահպանելու, երկու կողմերի դիրքորոշումը միաժամանակ արտահայտելու հնարավորություն չտալու համար, ինչպես արեցինք 44-օրյա պատերազմի ժամանակ։ Աշխարհում վերջին բանը, որ կցանկանայի այս ոլորտում խնդիրներ ստեղծել… Ինձ պետք էր ավելի շատ քաղաքական իմաստություն և քաղաքական տակտ դրսևորել։ Սա, անկասկած, իմ քաղաքական սխալն է, ուստի ես ներողություն եմ խնդրում»,- ասել է Սոլովյովը իր հաղորդման եթերում։

Рейтинг
( 1 оценка, среднее 3 из 5 )
Понравилась статья? Поделиться с друзьями:
The Yerevan Times-Երևան Թայմս