Իրանի արտաքին գործերի նախարար Հոսեյն Ամիր Աբդոլլահիանը շաբաթ օրը՝ նոյեմբերի 5-ին, ասել է, որ Թեհրանն իսկապես «սահմանափակ թվով» անօդաչու թռչող սարքեր է փոխանցել Ռուսաստան, սակայն դա եղել է ուկրաինական պատերազմի սկսվելուց առաջ: Իրանի ԱԳՆ ղեկավարն ընդգծել է, որ «Իրանը պատշաճ կերպով կպատասխանի, եթե հաստատվի, որ Մոսկվան օգտագործում է այդ անօդաչու սարքերը Ուկրաինայում»։
Նշենք, որ Իրանի և Ռուսաստանի Դաշնության իշխանությունները երկար ժամանակ հերքում էին, որ իրանական անօդաչու թռչող սարքերն օգտագործվում են ռուս զ-ինվորականների կողմից Ուկրաինայի տարածքում ռազմական գործողությունների ժամանակ։ Այս շաբաթվա սկզբին ՄԱԿ-ում Իրանի դեսպան Ամիր Սաիդ Իրավանին նման մեղադրանքներն անվանեց «բոլորովին անհիմն» և հաստատեց, որ Իրանը չեզոք է այն ամենում, ինչ կապված է Ուկրաինայի պատերազմի հետ։
Հոկտեմբերի 22-ին Իրանի արտգործնախարարության խոսնակը նաև պնդել էր, որ Ուկրաինայի պատերազմում Ռուսաստանի կողմից իրանական արտադրության անօդաչու թռչող սարքերն օգտագործելու մասին պնդումները «կեղծ են և անհիմն»: Հայտարարությունը հնչել է Ուկրաինայում հումանիտար իրավիճակի վերաբերյալ ՄԱԿ-ի Անվ-տшնգության խորհրդի ճեպազրույցից մեկ օր անց, որը հայտարարել է, որ Իրանի կողմից «Մոհաջեր» և «Շահեդ» անօդաչու սարքերի մատակարարումը 2231 բանաձևի խախտում է:
«Օգոստոսից ի վեր, խախտելով ՄԱԿ-ի Անվ-տшնգության խորհրդի 2231 բանաձևը, Իրանը Ռուսաստանին է փոխանցել «Մոհաջեր» և «Շահեդ» սերիայի անօդաչու թռչող սարքեր: Իրանական արտադրության այս անօդաչու թռչող սարքերը հետագայում օգտագործվել են Ուկրաինայի վրա բազմաթիվ հարձակումներում, այդ թվում՝ հոկտեմբերի 10-ի զանգվածային հարձակման ժամանակ, վնասվել են քաղաքացիական անձինք և քաղաքացիական ենթակառուցվածքներ: Բացի Ուկրաինայում հայտնաբերված այս անօդաչու թռչող սարքերի հեշտությամբ ճանաչելի մնացորդներից, կան զգալի փաստաթղթեր, ներառյալ լուսանկարներ և տեսանյութեր, որոնք վերաբերում են Ուկրաինայի դեմ այդ անօդաչու թռչող սարքերի օգտագործմանը»,- ասվում է ՄԱԿ-ի կայքում տեղադրված հատուկ հաղորդագրության մեջ:
Վերջին ամիսներին Իրանի ռազմաօդային ուժերի Saha Airlines-ի և Pouya Air-ի բեռնատար ինքնաթիռները, որոնք կապված են Իրանի Իսլամական հեղափոխության պահապանների կորպուսի հետ, բազմիցս թռիչքներ են կատարել Թեհրանից Մոսկվա: Ենթադրաբար նրանք առաքել են իրանական անօդաչու թռչող սարքեր, որոնք ռուսական բանակն օգտագործում է Ուկրաինայի դեմ պատերազմում։
Թռիչքները տեղի են ունենում Մոսկվայի և Թեհրանի պաշտոնյաների շարունակվող պնդումների ֆոնին, որ Իրանը զ-ենք չի մատակարարում Ռուսաստանին: Բայց հավաստիորեն հայտնի է, որ Իրանն արդեն հարյուրավոր կամ նույնիսկ հազարավոր անօդաչու թռչող սարքեր է մատակարարել Ռուսաստանի Դաշնությանը, որոնք օգտագործվում են ռուսական բшնակի կողմից Ուկրաինայի դեմ պատերազմի ժամանակ։ Խոսքն առաջին հերթին «Շահեդ-136»-ի մասին է։ Ուկրաինայի տարածքում խ-пցվել են նաև իրանական «Շահեդ-131» և «Մոհաջեր-6» անօդաչու թռչող սարքեր:
