Թուրքիան պետք է հարգի ԵՄ անդամ բոլոր երկրների ինքնիշխանությունը «նրանց տարածքային ջրերում և օդային տարածքում», այս մասին հայտարարել է Եվրահանձնաժողովի արտաքին կապերի գծով խոսնակ Փիթեր Ստանոն։
Պատասխանելով հարցին Թուրքիայի նախագահ Ռեջեփ Թայիփ Էրդողանի վերջին uшդրիչ հայտարարությունների վերաբերյալ, Ստանոն նշել է, որ ԵՄ-ն միշտ պարզ է եղել և ակնկալում են , որ Թուրքիան իրեն կառուցողական կպահի, ձեռնպահ կմնա լшրվшծությունը սաստկացնող քայլերից և հռետորաբանությունից:
«Մենք բազմիցս հայտարարել ենք, որ ցանկացած բաց հարց պետք է լուծվի խաղաղ ճանապարհով, երկխոսության միջոցով, բարեխղճորեն և միջազգային իրավունքի լիակատար հարգանքով», — ընդգծել է Փիթեր Ստանոն։
Իր հերթին ԱՄՆ Պետդեպարտամենտը ուրբաթ օրը Թուրքիային ուղղված խիստ ուղերձում ասել է, որ բոլոր երկրների ինքնիշխանությունն ու տարածքային ամբողջականությունը պետք է հարգվեն և պաշտպանվեն։
Մասնավորապես, Պետդեպարտամենտի խոսնակը նշել է.
«Մենք շարունակում ենք խրախուսել ՆԱՏՕ-ում մեր դաշնակիցներին, Հունաստանին և Թուրքիային, որպեսզի միասին աշխատեն տարածաշրջանում խաղաղության և անվ-տшնգnւթյшն պահպանման և վեճերը դիվանագիտական ճանապարհով լուծելու համար: Մենք կոչ ենք անում մեր դաշնակիցներին ձեռնպահ մնալ հռետորաբանությունից, որը կարող է ավելի մեծացնել լարվшծությունը: Հունաստանը և Թուրքիան երկուսն էլ ուժեղ գործընկերներն են և Միացյալ Նահանգների հիմնական դաշնակիցները ՆԱՏՕ-ում»:
