Ռուսաստանը եւ Թուրքիան կշարունակեն առաջին թուրքական ԱԷԿ-ի՝ «Ակկույու»-ի կառուցման աշխատանքները։ Այս մասին տեղեկացրել են Ռեջեփ Թայիփ Էրդողանի գրասենյակում, երկու երկրների ղեկավարների հեռախոսազրույցից հետո։
«Նախագահ Էրդողանը եւ Ռուսաստանի նախագահ Պուտինը հաստատել են իրենց վճռականությունն այն հարցում, որպեսզի «Ակկույու» ատոմային էլեկտրակայանի կառուցումն իրականացվի պլանին հանմապատասխան»,- նշվել է Թուրքիայի նախագահի գրասենյակի հաղորդագրությունում։Տեղեկացվել է նաեւ, որ Թուրքիայի նախագահն առաջարկել է միջնորդել Զապորոժիեի ԱԷԿ-ի շուրջ իրավիճակի կարգավորման հարցում։
Հիշեցնենք, որ Թուրքիայում առաջին՝ «Ակկույու» ատոմային էլեկտրակայանը պետք է սկսի աշխատել 2023 թվականին։ Ավելի վաղ տեղեկացվել էր, որ Ռուսաստանն ընդհանուր առմամբ 22 մլրդ դոլար կներդնի «Ակկույու» ԱԷԿ-ի կառուցման համար։
