«Տարածաշրջանում երկար տարիներ անց կայուն խաղաղություն հաստատելու հնարավորություն է ստեղծվել, հուսով ենք, որ Հայաստանը կգնահատի այդ պատմական հնարավորությունը»,- հայտարարել է Թուրքիայի նախագահ Ռեջեփ Էրդողանը՝ Ադրբեջանից վերադարձի ճանապարհին օդանավում լրագրողների հետ զրույցում։
«Սահմանների ճշգրտումը, Նախիջևանի և Ադրբեջանի արևմտյան շրջանների միջև ճանապարհի բացումը և խաղաղության պայմանագրի ստորագրումը կարևոր քայլեր կլինեն տարածաշրջանում նորմալացման համար», — պնդել է Էրդողանը։Թուրքիայի նախագահը, խոսելով հայ-թուրքական հարաբերությունների կարգավորումից, կրկին գործընթացը կապել է Երևանի և Բաքվի միջև բանակցություններում առաջընթացի հետ։
«Անկասկած, ադրբեջանա-հայկական բանակցություններում առաջընթացը դրական ներդրում կունենա Թուրքիայի և Հայաստանի միջև հարաբերությունների կարգավորման գործընթացում: Մենք վճռական ենք ամրապնդելու եղբայրական Ադրբեջանի հետ մեր համագործակցությունը բոլոր ոլորտներում «Մեկ ազգ, երկու պետություն» կարգախոսով»,- ասել է Թուրքիայի առաջնորդը։
