Ղազախստանի Հանրապետության փոխվարչապետ, արտաքին գործերի նախարար Մուխթար Թլեյբերդին բանակցություններով մեկնել է Վաշինգտոն և հանդիպել ԱՄՆ պետքարտուղար Էնթոնի Բլինկենի հետ։ Կողմերը քննարկել են երկու երկրների համագործակցության հարցերի լայն շրջանակ, այս մասին հաղորդում է Ղազախստանի Հանրապետության արտաքին գործերի նախարարությունը:
Նախարար Մուխթար Թլեյբերդին ընդգծել է, որ բազմավեկտոր արտաքին քաղաքականությանը համահունչ՝ Ղազախստանը կշարունակի ամրապնդել համագործակցությունը Միացյալ Նահանգների հետ։
«Ավելի քան 30 տարվա դիվանագիտական հարաբերությունների ընթացքում մեր երկկողմ համագործակցությունը հասցվել է ընդլայնված ռшզմшվшրшկան գործընկերության մակարդակի»,- ասել է Թլեյբերդին։
Իր հերթին Էնթոնի Բլինկենն ընդգծել է, որ «երկու երկրների գործընկերությունները հիմնված են Ղազախստանի անկախության, ինքնիշխանության և տարածքային ամբողջականության նկատմամբ Միացյալ Նահանգների շարունակական հանձնառության վրա»։
ԱՄՆ պետքարտուղարը ողջունել է Ղազախստանում ժողովրդավարական բարեփոխումները և ընդգծել Վաշինգտոնի պատրաստակամությունը՝ աջակցելու քաղաքական և տնտեսական բարեփոխումների գործնական իրականացմանը։
Նույն օրը Ղազախստանի Հանրապետության արտաքին գործերի նախարարության ղեկավարը բանակցություններ է վարել ԱՄՆ էներգետիկայի փոխնախարար Դեյվիդ Թուրքի հետ։ Հանդիպումներ են կայացել նաև հեղինակավոր «ուղեղային կենտրոնների» ղեկավարների՝ Ռшզմшվարական և միջազգային հետազոտությունների կենտրոնի նախագահ Ջոն Համրեի և Կենտրոնական Ասիայի Կովկասի ինստիտուտի նախագահ Ֆրեդերիկ Սթարի հետ:
