«Կասկածից վեր է, որ Հայաստանի և Ադրբեջանի միջև հարաբերությունների կարգավորման վերաբերյալ վերջնական պայմանավորվածություններ ձեռք կբերվեն, Ռուսաստանը լիովին աջակցում է դրան, այս մասին այսօր Երևանում ասաց ՌԴ ԱԳ նախարար Սերգեյ Լավրովը Հայաստանի արտգործնախարար Արարատ Միրզոյանի հետ բանակցություններից հետո կայացած մամուլի ասուլիսում։
«Մենք ընդհանուր ըմբռնում ունենք, որ Հայաստանի և Ադրբեջանի միջև հարաբերությունների կարգավորման գործընթացն առաջ է ընթանում: Միգուցե մենք կցանկանայինք ավելի արագ տեմպեր տեսնել, բայց, այնուամենայնիվ, գործընթացը շարունակվում է, և զգալի դրական արդյունքներ են ձեռք բերվում՝ միջանկյալ , բայց կասկած չկա, որ վերջնական պայմանավորվածություններ կլինեն, մենք ամեն կերպ փորձում ենք դրան նպաստել»,- ասել է Լավրովը։
Ռուս նախարարի խոսքով, Բաքուն և Երևանն ունեն իրենց կոնկրետ տեսլականը , թե ինչպես պետք է փոխգործակցել ներկա փուլում, սակայն երկու կողմերն էլ նույն ըմբռնումն ունեն , որ երեք երկրների ղեկավարների համատեղ հայտարարությունները մնում են շատ պարզ ճանապարհային քարտեզ , որով պետք է առաջնորդվել։
«Մենք շատ ուրախ ենք, որ սահմանի սահմանшզատման հարցով երկու հանձնաժողովների՝ հայկական և ադրբեջանական, նման հիմնադիր հանդիպումը կայացավ։ Հաջորդ հանդիպումը նախատեսվում է Մոսկվայում։ Մենք պատրաստ ենք ապահովել՝ համաձայն համաձայնագրերի Երեք երկրների ղեկավարներին խորհրդատվական օգնություն, այդ թվում՝ քարտեզագրական նյութերի տրամադրման առումով: Սա շատ կարևոր է կոնկրետ աշխատանքի համար»: Դրան զուգահեռ փոխվարչապետների գլխավորած եռակողմ աշխատանքային խումբը՝ տրանսպորտի ապաշրջшփшկման և տնտեսական կապերը զգալի առաջընթաց են գրանցել»։
ՀՀ ԱԳ ղեկավարի հետ բանակցությունների ընթացքում քննարկվել են մնացած հարցերի լուծման տարբերակները, նշել է Լավրովը։
«Վստահ եմ, որ դրանք ի վերջո կլուծվեն: Համոզված եմ, որ այլ ճանապարհ չկա, քան հարաբերությունների ամբողջական կարգավորումը: Այն ամենը, ինչ մենք պայմանականորեն նշանակում ենք «խաղաղության պայմանագիր» տերմինով, հիմնված է ժամանակին ներկայացված առաջարկների վրա: Հայաստանը ներկայացրել է իր տեսլականը, և այս երկու փաստաթղթերը հաշվի առնելով՝ գործընթաց է ընթանում, որին մենք պատրաստ ենք մասնակցել որպես միջնորդ, խորհրդատու և սկզբունքորեն՝ միջնորդ»,- եզրափակել է ՌԴ ԱԳ նախարար Սերգեյ Լավրովը։
