Թուրքիայի արևմուտքում գտնվող Իզմիր նահանգում տեղի ունեցած երկրաշարժի հետևանքով Առնվազն 28 մարդ է զոհվել: Նման տվյալներ է տրամադրել Թուրքիայի արտակարգ իրավիճակների կառավարման վարչությունը:
«Երկրաշարժը 28 մարդու կյանք խլեց», — ասված է նախարարության հայտարարության մեջ:
Ավելի վաղ հաղորդվում էր 25 զոհվածների մասին:
Բացի այդ, ըստ Թուրքիայի առողջապահության նախարար Ֆահրեթին Քոջայի՝ առնվազն 243 մարդ գտնվում է հիվանդանոցներում, նրանցից երեքի վիճակը ծանր է:
«642 մարդ անհրաժեշտ օգնություն ցույց տալուց հետո դուրս է գրվել հիվանդանոցներից», — Twitter- ի իր էջում գրել է Առողջապահության նախարարության ղեկավարը:
Հիշեցնենք, որ 7.0 ուժգնությամբ երկրաշարժը տեղի է ունցել Էգեյան ծովում հոկտեմբերի 30-ին: Մոտ 6.6 մագնիտուդով ցնցումները զգացվել են Իզմիրում և Ստամբուլում, ինչպես նաև Աթենքում և Կրետե կղզում: Տեղի ունեցածից հետո Իզմիրում հեղեղվել է փողոցների մի մասը, ինչպես նաև փլուզվել է առնվազն 20 շենք: Փլուզումներ են եղել նաև հունական Սամոս կղզում, որտեղ մահացել է 2 մարդ, վիրավորվել՝ 20-ը: