Վերջին օրերին Հայաստանից դրական ազդակներ ենք ստանում․ Ադրբեջանի ԱԳ նախարար

Վերջին օրերին Հայաստանից մի շարք մարդկանց կողմից դրական մեսիջներ են հաղորդվում։ Այս մասին, «ԱՊԱ» գործակալության հաղորդմամբ, ասել է Ադրբեջանի արտգործնախարար Ջեյհուն Բայրամովը Իտալիայի ԱԳ նախարարի հետ համատեղ մամուլի ասուլիսին։

«Քննարկումների ընթացքում իմ գործընկերոջը տեղեկացրել եմ հայ-ադրբեջանական հարաբերությունների կարգավորման ուղղությամբ Ադրբեջանի ձեռնարկած քայլերի մասին»,-ասել է Ադրբեջանի արտաքին քաղաքական գերատեսչության ղեկավարը։

Նա ասել է նաև, որ իր գործընկերոջը տեղեկացրել է տարածաշրջանում հաղորդակցությունների բացման անհրաժեշտության, պետական սահմանի հաստատման աշխատանքային խմբի ստեղծման վերաբերյալ ադրբեջանական կողմի առաջարկների մասին։

«Տեղեկացրել եմ նրան Հայաստանին արված խաղաղության համաձայնագրի առաջարկի և այդ համաձայնագրի վերաբերյալ մեր առաջարկների մասին։ Վերջին օրերին Հայաստանից մի շարք մարդկանց կողմից դրական մեսիջներ ենք ստանում։ Ադրբեջանը բազմիցս հայտնել է իր դիրքորոշումը այս հարցում»,- ասել է Բայրամովը։

Рейтинг
( Пока оценок нет )
Понравилась статья? Поделиться с друзьями:
The Yerevan Times-Երևան Թայմս