ԱՊՀ անդամ երկրները մտադիր են ստեղծել Մարդու իրավունքների հարցերով հանձնաժողով, որպեսզի կանխեն իրավապաշտպանական ոլորտի քաղաքականացման փորձերը, ինչպես նաև ամրապ նդեն կազմակերպության հեղինակությունը՝ մարդու իրավունքների պաշտպանության ոլորտում: Այս մասին գրում է ТАСС-ը՝ հղում անելով ԱՊՀ գործադիր կոմիտեի մամուլի ծառայությանը։ Վերջինս ամփոփել է փորձագիտական խմբի նիստի արդյունքները, որը Մինսկում անցկացվել է առցանց ձեւաչափով։
«Անկախ պետությունների համագործակցության անդամ երկրները արդիական են համարում ԱՊՀ Մարդու իրավունքների հարցերով հանձնաժողովի գործունեության մեկնարկը։ Կոմիտեի ստեղծման հարցերով փորձագիտական խմբի նիստը կայացել է մարտի 4-ին, Մինսկում։ Հանդիպման ընթացքում թեմայի շուրջ մտքեր են փոխանակվել»,- նշվում է հաղորդագրության մեջ։
Առցանց հանդիպմանը մասնակցել են Հայաստանի, Բելառուսի, Ղազախստանի, Ղրղզստանի, Ռուսաստանի, Տաջիկստանի, Ուզբեկստանի և ԱՊՀ գործադիր կոմիտեի ներկայացուցիչները։ Նրանք նշել են, որ հանձնաժողովի աշխատանքների մեկնարկը կնպաստի «մարդասիրական համագործակցության ուղղությամբ ինտեգրացիոն փոխգործակցության հաստատմանը»։ Նիստի մասնակիցները նաև նշել են, որ դա կնպաստի ԱՊՀ-ի՝ որպես հետխորհրդային տարածաշրջանում առանցքային միջազգային կազմակերպություններից մեկի հեղինակության ամրապնդմանը, այդ թվում՝ մարդու իրավունքների պաշտպանության ոլորտում։ Այն թույլ կտա նաև հակազդել իրավապաշտպանական ոլորտի քաղաքականացման փորձերին:
hetq.am