Boeing ավիաընկերությունը 2030 թվականին կսկսի նոր ինքնաթիռների արտադրություն, որոնք կաշխատեն կենսաբանական վառելիքով: Կենսաբանական վառելիքը կնվազեցնի ածխաթթու գազի արտաներտումները մթնոլորտ 80 տոկոսով, համոզված են ԱՄՆ Էներգիայի նախարարության մասնագետները,- տեղեկացնում է նախարարության կայքը:
Boeing- ի կոմերցիոն բաժնի ղեկավար Ստեն Դիլի կարծիքով՝ ընկերությունն արդեն աշխատում է այնպիսի կազմակերպությունների հետ, որոնք հետաքրքրքված են նորարարությամբ:
Կենսաբանական վառելիքը ավիացիայում կարող է արտադրվել տարբեր հումքից, օրինակ, ուտելու համար ոչ պիտանի բույսերից, անտառային ու գյուղատնտեսական մնացորդներից, որոնք ենթակա չեն երկրորդային մշակման:
Ավիաընկերության մամուլի ծառայությունից հայտնել են, որ արդեն փորձարկել են կենսաբանական վառելիքով տեխնիկայի թռիչքներ, մինչդեռ իրական թռիչքների դեպքում հնարավոր է առայժմ կենսաբանական վառելիքը 50/50 հարաբերակցությամբ համատեղել ռեակտիվ վառելիքի հետ:
Ինչպես նշում են Air Transport Action Group ընկերությունում, ավիաընկերություններին է բաժին ընկնում մթնոլորտային արտանետումների 12 տոկոսը: Որպեսզի ինքնաթիռներն աշխատեն կենսաբանական վառելիքով, պետք է փոխվեն դրանց շարժիչը և մյուս համակարգերը: Բացի այդ, անհրաժեշտ կլինի ինքնաթիռն шնվտшնգ շահագործելու մասին հավաստագիրտեղեկացնում է մամուլի ծառայությունը:
