Ֆինլանդիայի կառավարությունը խորհրդարանի հետ խորհրդակցություն անկացնելուց հետո հայտարարել է , որ ՆԱՏՕ-ին անդամակցելու պաշտոնական որոշում է կայացրել:
«Ֆինլանդիան խորհրդարանի հետ խորհրդակցություններից հետո կդիմի Հյուսիսատլանտյան դաշինքին անդամակցելու համար», — ասվում է կառավարության հայտարարության մեջ:
Համատեղ մամուլի ասուլիսում նախագահ Սաուլի Նիինիստոն և վարչապետ Սաննա Մարինը նշել են, որ այս հարցում ցուցադրվել է ժողովրդավարության ուժը։
«Մեր որոշումը պատմական է: Որպես ՆԱՏՕ-ի անդամ՝ մենք պատասխանատվություն ենք կրելու նաև Հյուսիսատլանտյան դաշինքի шնվ-տшնգnւթյшն համար որպես ամբողջություն»,- ասել է վարչապետ Սաննա Մարին։
Որոշումը կքննարկվի խորհրդարանում երկուշաբթի, իսկ քվեարկությունը կկայանա երեքշաբթի: Ինչպես ավելի վաղ հայտնել էր Ֆինլանդիայի արտաքին գործերի նախարար Պեկկա Հաավիստոն, Բրյուսելում գտնվող ՆԱՏՕ-ի կենտրոնակայան դիմումը, ամենայն հավանականությամբ, կներկայացվի չորեքշաբթի օրը։
Շվեդիան իր հրթին հետևելով Ֆինլանդիային, պաշտոնապես որոշել է դիմել ՆԱՏՕ-ին անդամակցելու համար, հայտարարել է իշխող Սոցիալ-դեմոկրատական կուսակցությունը։
«Սոցիալ-դեմոկրատների խորհուրդն իր նիստում որոշեց, որ կուսակցությունը կաշխատի, որպեսզի Շվեդիան հայտ ներկայացնի ՆԱՏՕ-ին անդամակցելու համար», — ասվում է կուսակցության հայտարարության մեջ:
