Թուրքիայի նախագահ Թայիփ Էրդողանի հայտարարությունն անակնկալ է եղել Շվեդիայի ու Ֆինլանդիայի համար։ Այնուամենայնիվ, երկրները համոզված են, որ բոլոր հարցերը Թուրքիայի հետ շատ արագ կլուծեն։
Շվեդիայի արտաքին գործերի նախարար Անն Լինդեն ասել է, որ վերջերս է մի քանի անգամ տեսել իր թուրք գործընկերոջը Չավուշօղլուին:
«Մենք լավ և կառուցողական խոսակցություն ենք ունեցել , և նրանք մեզ նման բան չեն ասել։ Ոչ ՆԱՏՕ-ի դեսպանները, ոչ էլ 30 երկրներից որևէ մեկը մինչև հիա նման բան չեն ներկայացրել: Հուսով եմ, որ մենք կարող ենք քննարկել ամեն ինչ, և երբ դիմենք ՆԱՏՕ-ին անդամակցելու համար, ապա դրական մեսիջներ կստանանք բոլոր երկրներից»,- ասել է Լինդեն։
Միաժամանակ Ֆինլանդիայի արտգործնախարար Պեկկա Հաավիստոն նշել է, որ իր թուրք գործընկերը դրական է արձագանքել սկանդինավյան երկու երկրների՝ ՆԱՏՕ-ին անդամակցությանը։
«Այս գործընթացում մեզ համբերություն է պետք։ Այս բաները միշտ կապված են քաղաքականության հետ։ Խնդիրների մեծ մասը միշտ էլ հնարավոր է լուծել»,- ավելացրել է Հաավիստոն:
