Թուրքիայի արտգործնախարար Մևլութ Չավուշօղլուն «ձայն է բարձրացրել» Շվեդիայի արտգործնախարար Անն Լինդի հասցեին ՆԱՏՕ-ին անդամակցելու Ստոկհոլմի ծրագրերի քննարկման ժամանակ։ Այս մասին հայտնել են բրիտանական աղբյուրները։
Թուրք նախարարը, ՆԱՏՕ-ում դիվանագիտական աղբյուրի համաձայն, Լինդային ասել է, որ «իրեն նյարդայնացնում է նրա ֆեմինիստական քաղաքականությունը, որը մեծ լшրվшծություն է բերել»։
ՆԱՏՕ-ի զրուցակիցները հասկացրել են, որ նման պահվածք չէին սպասում թուրք պաշտոնյաներից դաշինքի համար պատմական պահին: «Մենք փորձում էինք հասկանալ թե ինչ էր ուզում մեր թուրք գործընկերը…. դա ամոթալի էր» , — ասել է դիվանագետը։
Իր հերթին, թուրքական դիվանագիտական աղբյուրը ներկայացրել է ԱԳ նախարարների բանակցությունների այլ վարկած։ Չավուշօղլուն, նրա խոսքերով, «հարգանքով հայտնել է Թուրքիայի դիրքորոշումը՝ հերքելով Լինդեի այն պնդումը, որ Անկարայի՝ Շվեդիան ՆԱՏՕ-ում տեսնելու դժկшմությունը պայմանավորված է թագավորության «ֆեմինիստական արտաքին քաղաքականությամբ»: «Նրա մեկնաբանությունները չեն օգնում Շվեդիայի՝ ՆԱՏՕ-ին անդամակցելուն, մինչդեռ Ֆինլանդիայից հնչող հայտարարությունները լավ մտածված են»,- ասել է աղբյուրը։
Նշենք , որ Թուրքիան, որը ՆԱՏՕ-ի անդամ է, արգելափակել է Շվեդիայի և Ֆինլանդիայի դաշինքին միանալու բանակցությունների մեկնարկը։
