«Թուրքիան իրական թիրшխը է բոլոր նրանց համար, ովքեր ուզում են տшպшլել Թուրքիայի իշխող «Արդարություն և զարգացում» կուսակցությունը , կամ հենց նրա նախագահ Ռեջեփ Թայիփ Էրդողանին», այս մասին ասել է հենց Թուրքիայի նախագահ Թայիփ Էրդողանը , ելույթ ունենալով «Արդարություն և զարգացում» իշխող կուսակցության 30-րդ խորհրդակցությունների և գնահատման հանդիպման փակման արարողության ժամանակ։
«Ով այս աշխարհում հшրձшկվում է ձեր եղբոր Էրդողանին վրա, իրականում հшրձшկվում է հենց Թուրքիայի վրա»,- ասել է Էրդողանը։
«Նրանք, ում անհանգստացնում է մեր նպատակը ստեղծել մեծ և ուժեղ Թուրքիա, միևնույն է չեն կարողանալու հասնել մեր մակարդակին:», — ասել է Էրդողանը, հավելելով, որ Արդարություն և զարգացում» իշխող կուսակցությունը կշարունակի իր քաղաքականությունը՝ պահպանելով Սիրիայում իր արժանապատիվ դիրքորոշումը մինչև Իրաք և Սև ծովից մինչև Միջերկրական ծով։
Էրդողանը նաև ասել է, որ Թուրքիան չի փոխի իր դիրքորոշումը Շվեդիայի և Ֆինլանդիայի՝ ՆԱՏՕ-ին անդամակցելու հարցում։
«Նրանք, ովքեր մեզ խորհուրդ են տալիս ճկուն լինել ՆԱՏՕ-ի ընդլայնման հարցում, երբեք կասկածի տակ չեն դրել իրենց հարաբերությունները шհшբ-եկչшկան կազմակերպությունների հետ, ինչը ապացուցում է, թե որքան ճիշտ է մեր վճռական դիրքորոշումը։ Առանց այն ակնկալիքների, որ մենք հայտարարել ենք մեր զրուցակիցներին, մենք մեր դիրքորոշումը չենք փոխի»,- ասել է Թուրքիայի ղեկավարը։
