Մայիսի 11-ին Ամերիկայի Միացյալ Նահանգների պետքարտուղար Էնթոնի Բլինկենը հեռախոսազրույց է ունեցել Ադրբեջանի նախագահ Իլհամ Ալիևի հետ։
ԱՄՆ պետքարտուղարը աջակցություն է հայտնել Ադրբեջանի և Հայաստանի միջև բանակցություններին և այդ կապակցությամբ խաղաղ համաձայնագրի կնքմանը և հույս հայտնել, որ դա կնպաստի տարածաշրջանում կայուն խաղաղությանը։
Էնթոնի Բլինկենը նաև ընդգծել է, որ Ամերիկայի Միացյալ Նահանգները պատրաստ է աջակցել Ադրբեջանի և Հայաստանի միջև սահմանների սահմանազատման և սահմանագծման գործընթացին, ինչպես նաև տրանսպորտային միջանցքների բացմանը։
«Այսօր Ադրբեջանի նախագահ Իլհամ Ալիևի հետ խոսեցի, թե ինչպես կարող է Միացյալ Նահանգները շարունակել աջակցել Ադրբեջանի և Հայաստանի միջև խաղաղության բանակցությունների վերջին շրջանի դրական դինամիկային»,- «Թվիթեր»-ի իր էջում գրել է Ամերիկայի Միացյալ Նահանգների պետքարտուղար Էնթոնի Բլինկենը:
