ՆԱՏՕ-ին անդամակցելու գործողությունների ծրագիրը (MAP) այլևս բավարար չէ Ուկրաինային, Կիևը կբավարարվի միայն դաշինքին միանալով, հայտարարել է Ուկրաինայի եվրոպական և եվրաատլանտյան ինտեգրման հարցերով փոխվարչապետ Օլգա Ստեֆանիշինան։«Եթե Ուկրաինային առաջարկեին ՀԳՀԾ-ն մինչև փետրվարի 24-ը, մենք այս որոշումից ամենաշատը գոհ կլինեինք, ուրախ կլինեինք և կհավատայինք, որ կատարել ենք մեր Սահմանադրության պահանջները, և սա միակ ճիշտ որոշումն է։ Այսօր առաջարկը՝ ՆԱՏՕ-ի շրջանակներում ՀԳՀԾ-ն հավասարազոր կլինի 2008թ. Բուխարեստի գագաթնաժողովի որոշմանը։ Այսինքն՝ միայն անդամակցություն»,- ասել է Ստեֆանիշինան:
Ուկրաինայի Գերագույն Ռադան 2014 թվականի դեկտեմբերին փոփոխել է երկու օրենք՝ հրաժարվելով պետության ոչ բլոկային կարգավիճակից։ 2019 թվականի փետրվարին Ուկրաինայի խորհրդարանը փոփոխություններ է ընդունել սահմանադրության մեջ՝ ամրագրելով երկրի կուրսը ԵՄ-ում և ՆԱՏՕ-ում։
Ուկրաինան դարձել է վեցերորդ պետությունը, որը ստացել է ՆԱՏՕ-ի Ընդլայնված հնարավորությունների գործընկեր կարգավիճակը:
Պաշտոնական Վաշինգտոնի ներկայացուցիչները բազմիցս հայտարարել են, որ այս փուլում Ուկրաինայի՝ ՆԱՏՕ մտնելու հնարավորությունը չի դիտարկվում։ Միևնույն ժամանակ, ԱՄՆ-ն ընդգծել է, որ դաշինքը երբեք չի հրաժարվի «բաց դռների» քաղաքականությունից և չի բացառել, որ Կիևը կարող է հետագայում փորձել անդամակցել կազմակերպությանը։
