Պոլսո Հայոց պատրիարք Սահակ արքեպիսկոպոս Մաշալյանը 20 տարի դադարից հետո պատարագ է մատուցել Մարդինի Դերիք գավառում գտնվող 372 ամյա հայկական Սուրբ Գևորգ եկեղեցում։ — «Է րմենիհшբեր»
Քալե թաղամասում գտնվող Սուրբ Գևորգ եկեղեցին կառուցվել է 1650 թ-ին։ Եկեղեցին 1915 թ-ին հայերի ցեղաս-պանությունից հետո հանձնվել է պետական գանձարանին և տարիներ շարունակ օգտագործվել է այլ նպատակներով։ Շրջանում հայերի թվի մեծացմանը զուգահեռ 1957 թ-ին այն վաճառվել է հայկական համայնքին։
Եկեղեցին վերջին անգամ վերանորոգվել է 2004 թ-ին։ Շուրջ 20 տարի, սակայն, եկեղեցում պատարագ չի մատուցվել։ Գավառում այժմ գրեթե հայեր չեն բնակվում։
20 տարի անց Սուրբ Գևորգ հայկական եկեղեցում մատուցված այս պատարագին մասնակցել են գավառում գտնվող երկու հայ ընտանիքներ և որոշ հայեր, որոնք եկած են եղել Դիարբեքիրից, Ստամբուլից, Անկարայից, Իզմիրից և Թուրքիայի այլ վայրերից։
Պոլսո Հայոց պատրիարք Սահակ արքեպիսկոպոս Մաշալյանը պատարագից հետո եկեղեցու պահպանման և խնամքի համար շնորհակալություն է հայտնել գավառապետ Էվրեն Չաքըրին։ Նա ընդգծել է, որ հայ ժողովուրդը տարբեր պատճառներով uտիպվшծ է եղել արտшգшղթել, տարածվել աշխարհի տարբեր կողմերում և այդ պատճшռով է, որ շատ հայկական եկեղեցիներ մնացել են առանց իրենց տերերի։
Պոլսո Հայոց պատրիարք Սահակ արքեպիսկոպոս Մաշալյանը գոհություն է հայտնել Աստծուն, որ Դերիքի Սուբ Գևորգ եկեղեցին չի փակվել և բաց է մնացել, քանի որ միշտ եղել են և կան մարդիկ, որոնք նույնացրել են իրենց եկեղեցու հետ։
Պոլսո Հայոց պատրիարքն այնուհետև այցելել է նաև Մարդինի ասորիական Դեյրուլզաֆերան վանք։
