Ռուսաստանի կողմից Թուրքիայի հետ օդային երթեւեկության նկատմամբ սահմանված սահմանափակումները կհանգեցնեն տեղական տուրիզմի ոլորտում զանգվածային սնանկությունների: Այս մասին ասում է Թուրքիայի խորհրդարանի անդամ Լեւենթ Գոքը:
Նշենք , որ ապրիլի 15-ից, Ռուսաստանը սահմանափակեց օդային երթևեկությունը Թուրքիայի հետ մինչև հունիսի 1-ը` , որը հնարավոր է երկարացվի կորոնավիրուսային վարակի հետ կապված իրավիճակի վատթարացման պատճառով: Ռոսպոտրեբնաձորի ղեկավար Աննա Պոպովան հայտարարեց , որ կորոնավիրուսի մուտացիայի ենթարկված շտամների մեծ մասը Թուրքիայից է բերվել Ռուսաստան: Այս որոշումը Թուրքիայում մեծ անհանգստություն է առաջացրել զբոսաշրջությունից եկամուտների կորստի կապակցությամբ:
«2019 թվականին ռուս զբոսաշրջիկները առաջին տեղն էին զբաղեցնում Թուրքիա եկած օտարերկրացիների քանակով: Ռուսաստանից յոթ միլիոնից ավել զբոսաշրջիկ ապահովել են Թուրքիայի տուրիստական արդյունաբերության եկամտի զգալի մասը: 2020-ին, համաճարակի ֆոնին, Ռուսաստանի Դաշնությունը կրկին գլխավորեց երկրների վարկանիշը Թուրքիա եկած օտարերկրյա զբոսաշրջիկների թվաքանակով ՝ ավելի քան 2 միլիոն» , — ասվում է Թուրքիայի մշակույթի և զբոսաշրջության նախարար Մեհմեթ Նուրիի հայտարարության մեջ:
Ըստ Մեհմեթ Նուրիի Թուրքիային սպասվում է սնանկություն:
