ԱՄՆ նախագահ Ջո Բայդենի վարչակազմը դիտարկում է Իրանի հոգևոր առաջնորդ, այաթոլլա Ալի Խամենեիի դեմ սահմանված պшտժшմիջոցները չեղարկելը՝ իրանական միջու կային գործարքի շրջանակում ձեռք բերված պայմանավորվածությունների համաձայն: Այս մասին հայտնում է NBC News-ը՝ վկայակոչելով Բայդենի շրջապատի իր աղբյուրներին:
Հեռուստաալիքի տվյալներով՝ այդ հարցն արդեն քննարկվել է Վիեննայում անցկացվող բանակցություններում, որոնք վերաբերում են Իրանի հետ կնքված գործարքին ԱՄՆ-ի վերադառնալուն: Դա պայմանավորվածությունների ընդհանուր փաթեթի մաս է կազմում, որն Իրանին առաջարկում է Միացյալ Նահանգները:
Սակայն դիվանագիտական արարողակարգի համաձայն՝ պայմանավորվածությունը կարող է ձեռք բերվել միայն առաջարկների ողջ փաթեթի համաձայնեցման պարագայում:
Ալի Խամենեիի հանդեպ պшտժшմիջոցներ են սահմանվել ԱՄՆ նախորդ իշխանությունների կողմից 2019 թվականին: Դրանք մեծապես խորհրդանշական բնույթ են կրում. Իրանի հոգևոր առաջնորդին արգելվում է ԱՄՆ մեկնել, ինչպես նաև ֆինանսական գործարքներ կատարել ամերիկյան ընկերությունների հետ:
