Պուտինն ասել է, թե որն է հաջողության հասնելու ճանապարհը

ՌԴ նախագահ Վլադիմիր Պուտինը, խոսելով ինքնակարգապահության մասին, խոստովանել է, որ չի կարող իրեն շատ կարգապահ մարդ անվանել և անհրաժեշտ է համարում աշխատել իր վրա։

«Գիտեք, չեմ կարող ասել, որ ամենակարգապահն եմ, ես դեռ պետք է աշխատեմ ինքս ինձ վրա, սա միանգամայն ակնհայտ բան է»,- ասել է Պուտինն աշակերտների հետ բաց դասի ժամանակ։

ՌԴ ղեկավարը նշել է, որ հաջողության հասնելու համար կարևոր է կարգապահությունը, սակայն միայն կարգապահությունը բավարար չէ. նպատակին հասնելու համար անհրաժեշտ է ներքին մոտիվացիա, խնդիրների և առաջադրանքների լայն պատկերացում, ինչպես նաև ներքին հուզական տրամադրվածություն, պատասխանատվություն։

«Այս ամենը միասին չպետք է մի կողմում թողնի հաջողության հիմքում ընկած ևս մեկ շատ կարևոր բաղադրիչ՝ ստեղծագործ մոտեցում ձեր առջև ծառացած խնդիրների լուծմանը: Կարգապահությունը և մյուս հատկանիշները չպետք է հանգեցնեն ինչ-որ մտածողության նեղացման», — ասել է ՌԴ նախագահը:

Պուտինն ընդգծել է, որ ամեն ինչում ճշգրտությունը չպետք է փակի կրեատիվության ճանապարհը, «պետք է քեզ ազատ մարդ զգաս»։

«Այս ամենը միասին, իմ կարծիքով, կտան ցանկալի արդյունքը, հաջողությունը: Սա հաջողության ճանապարհն է: Եվ, իհարկե, աշխատասիրությունը: Այս ամենը միասին շատ կարևոր է: Աշխատասիրությունն ընդհանրապես առանձին տաղանդ է… ստիպել ձեզ աշխատել և կարողանալ դա արդյունավետ անել»,- եզրափակել է Պուտինը:

Рейтинг
( Пока оценок нет )
Понравилась статья? Поделиться с друзьями:
The Yerevan Times-Երևան Թայմս