Թուրքիայի համար Ադրբեջանը սովորական երկիր չէ, կարելի չէ այն համեմատել մյուս հարեւանների հետ: Դա գալիս է նրանց ինքնությունների մոտիկությունից, քանի որ երկու երկրներն էլ պատկանում են նույն թյուրքականությանը, կամ գոնե նույն ընդհանուր տեսլականն ունեն թուրքականության վերաբերյալ, ինչը այնքան էլ նախկին ԽՍՀՄ մյուս թուրքալեզու երկրների պարագան չէ։
Թեեւ տարբերություններ կան Անատոլիայի թուրքական ինքնության ու Ադրբեջանի թյուրքական ինքնության միջեւ, բայց այդ մոտիկությունն ընդունում ու ստանձնում են երկուստեք։ Միեւնույն ժամանակ՝ մոտ քսան տարի է Թուրքիան ձեւավորում է ազգային և թյուրքիստական (և նույնիսկ պանթուրքական) դիսկուրս, որտեղ իրեն շատ լավ է զգում Ադրբեջանը։ Բացի այդ, երկու ժողովուրդները աշխարհագրորեն մոտ են, ինչը Ուզբեկստանի կամ Ղազախստանի նման մյուս թյուրքալեզու երկրների պարագան չէ։
istambul
