Թուրքիայի պաշտպանության նախարարությունը հաղորդագրություն է հրապարակել հացահատիկի գործարքին ռուսական կողմի մասնակցության կասեցման վերաբերյալ [ՄԱԿ-ի եւ Թուրքիայի միջնորդությամբ կնքված Ուկրաինայի հարավային նավահանգիստները պարենային արտահանման համար ապաշրջափակման համաձայնագիր։
Հոկտեմբերի 29-ին Սեւաստոպոլում տեղի ունեցած հարձակումից հետո Ստամբուլի համակարգող կենտրոնի գործունեությունը դադարեցվել է, հայտնել են նախարարությունից։ Ըստ հայտարարության՝ նավերը չեն հեռանա Ուկրաինայից. Սակայն այսօր և վաղը ստուգումներ կիրականացվեն ավելի վաղ մեկնած նավերի վրա։
Թուրքիայի պաշտպանության նախարար Հուլուսի Աքարն այս հարցով կապնվել է ռուսաստանցի ու ուկրաինացի իր գործընկերների հետ և բանակցություններ է վարում խնդրի լուծման ուղղությամբ։
Շաբաթ օրը ՌԴ ԱԳՆ-ն հայտնել է, որ Մոսկվան, հաշվի առնելով ուկրաինական անօդաչու թռչող սարքերի հարձակումը Սևաստոպոլում Սևծովյան նավատորմի նավերի վրա, անորոշ ժամանակով կասեցնում է ուկրաինական գյուղատնտեսական արտադրանքի արտահանման սևծովյան նախաձեռնության իրականացումը։ Դրանից հետո ՄԱԿ-ում Ռուսաստանի Դաշնության մշտական ներկայացուցչությունը պաշտոնապես ծանուցել է կառույցի գլխավոր քարտուղարին «հացահատիկային գործարքին» մասնակցության կասեցման մասին։
