Թուրքիան աջակցում է Ադրբեջանի և Հայաստանի միջև հարաբերությունների կարգավորմանն ուղղված բոլոր միջոցներին. Բայց կան որոշ նախաձեռնություններ, որոնք ուղղված են այս գործընթացը դանդաղեցնելուն, և բոլորը պետք է իմանան, որ Թուրքիան դեմ է դրանց։
Այս մասին երկուշաբթի ասել է Թուրքիայի պաշտպանության նախարար Հուլուսի Աքարը:
Ըստ Աքարի «Ադրբեջանը շատ կարևոր է Թուրքիայի համար», իսկ «Թուրքիան շատ կարևոր է Ադրբեջանի համար»։ Հիշեցնելով, որ Աղդամում գործում է թուրք-ռուսական համատեղ մշտադիտարկման կենտրոն, Աքարն ասել է։
«Մենք շարունակում ենք մեր աշխատանքը մեր ադրբեջանցի եղբայրների հետ լիակատար համաձայնեցվածությամբ: Շուշիի հռչակագիրը մեր հարաբերությունների կարևորագույն քայլերից էր: Այս հռչակագրի շրջանակներում մենք նաև հայտարարել ենք, որ կձեռնարկենք հնարավոր ամեն ինչ տարածաշրջանում կայուն խաղաղության հաստատման ուղղությամբ:
«Հայաստանը պետք է սեղմի Ադրբեջանի և Թուրքիայի մեկնած խաղաղության ձեռքը և ձեռնարկի անհրաժեշտ քայլեր։ Բոլորը, և հատկապես Հայաստանը, պետք է տեսնեն, որ դա կարևոր է տարածաշրջանի համար: Այդ կերպ Կովկասը կարող է դառնալ խաղաղության և կայունության տարածաշրջան»,- ասել է Աքարը։
