Ուսուցիչների և դաստիարակների աշխատավարձերը կեռապատկվեն . Մանրամասներ

Հայաստանի կառավարությունը չի կարող հանդուրժել ուսուցիչներին և դաստիարակներին վճարվող ծիծաղելի աշխատավարձերը և դրանք ընդհուպ եռապատկելու գործընթաց է սկսել: Այս մասին այսօր ասաց ՀՀ վարչապետ Նիկոլ Փաշինյանը: Վարչապետը նշեց, որ այդ գործընթացը պետք է զուգակցվի ուսուցիչների կամավոր ատեստավորմամբ:

«Ընդ որում, դա պետք է լինի շարունակական գործընթաց, և ատեստավորված ուսուցիչները հինգ տարին մեկ անգամ նույն եղանակով իրենց աշխատավարձը կրկին բարձրացնելու հնարավորություն պետք է ստանան: Այսինքն՝ ամեն հինգ տարին մեկ անգամ կամավոր ատեստավորում անցած ուսուցիչները նորից կարող են կամավոր ատեստավորվել ու կրկին աշխատավարձի բարձրացում ունենալ, որովհետև ժամանակի ընթացքում գնաճ է տեղի ունենում, փոխվում են գները, և ուսուցիչները նույնպես այդ աշխատավարձերը որակավորման վերահաստատմամբ պետք է բարձրացնելու հնարավորություն ունենան»,- ասաց Փաշինյանը:

Ինչ վերաբերվում է մի քանի տարի կամավոր ատեստավորում չանցած ուսուցիչներին, վարչապետը նշեց, որ նրանք այդ կարգավիճակը պահպանելու հնարավորություն չեն ունենալու: «Այսինքն, ուսուցիչ աշխատելու հնարավորություն չեն ունենալու»,- պարզաբանեց Փաշինյանը:

Վարչապետի խոսքով՝ նույն գործընթացում պետք է ընդգրկվեն նաև մանկապարտեզների դաստիարակները:

Рейтинг
( Пока оценок нет )
Понравилась статья? Поделиться с друзьями:
The Yerevan Times-Երևան Թայմս