Ռուսաստանի Դաշնության պաշտպանության նախարար Շոյգուն Սուրովիկինին հրահանգել է սկսել զորքերի դուրսբերումը Խերսոնի շրջանից։
ՌԴ պաշտպանության նախարար Սերգեյ Շոյգուն հրահանգել է դուրս բերել ռուսական զորքերը Խերսոնի շրջանի աջ ափից։ Այս մասին նա հայտարարել է ռուսական զորքերի խմբավորման հրամանատար Սերգեյ Սուրովիկինի հետ հանդիպման ժամանակ։
Մասնավորապես, հանդիպման ժամանակ Սուրովիկինը Շոյգուին առաջարկել է ռուսական զորքերը դուրս բերել Դնեպրի ձախ ափ։
«Դնեպրի ձախ ափին պաշտպանվելու որոշումը հեշտ չէ, բայց միևնույն ժամանակ մենք կփրկենք մեր զինվորականների կյանքը և զորքերի խմբի մարտունակությունը»,- ասել է Սուրովիկինը։
«Ես համաձայն եմ, անցեք զորքերի դուրսբերմանը»,- ասել է Շոյգուն։
Սուրովիկինը հավելել է, որ զորքերի դուրսբերումը կիրականացվի որքան հնարավոր է շուտ։ Նաեւ, ըստ նրա, ռուսական բանակը «պատրաստված պաշտպանական գծեր կվերցնի Դնեպրի ձախ ափին»։
Ավելի վաղ հաղորդվել էր, որ լայնածավալ պшյ-թյուններ են որոտացել Խերսոնի շրջանում։ Նաև հաղորդագրություն կա, որ պшյ-թեցվել է Ինգուլետների վրայով անցնող Դարևսկի կամուրջը։
